குளம்பி காதல்

ஏப்ரல் 13, 2022ஏப்ரல் 12, 2022 admin தனிப்பாடல்

அதிகாலை விழித்ததும் குளம்பியோடு (coffee) உற்சாகமாக ஆரம்பிக்கும் தித்திப்பு பொழுது, நள்ளிரவு உறங்கும்வரைக்கும் இதழ்வழி காதலாக இடைவிடாமல் அரும்பிக்கொண்டே இருக்கிறது.

குளம்பி காதல் –

மோதலில்லா நீர்மை காதல்..

குளம்பி காதல் –

இதழ்வழி அரும்பும் காதல்..

குவளைக்குள்ளே உலகத்தை காட்டும் –

கவிதையென்றால் சும்மாவா..

வாசமதில் மனவில் தீட்டும் –

வியப்பென்றால் சும்மாவா..

ஒருமிடரில் சோம்பல் ஓட்டும் –

அமுதமென்றால் சும்மாவா..

கதகதப்பில் சிலிர்ப்பை ஊட்டும் –

உயிர்ப்பென்றால் சும்மாவா..